Nadat Michael en Mikeila in hul verhoudings met ander mense albei liefdesteleurstellings gehad het, besluit hulle om met mekaar te trou. Michael omdat sy ouma se testament dit bepaal, en Mikeila omdat sy nie weer wil seerkry nie; dit bied uitkoms uit ‘n moeilike situasie. Hulle ken mekaar immers al jare – wat kan dan nou fout gaan? Dit sal ‘n huwelik net in naam wees, en indien hulle later so verkies, ontbind hulle dit net. Nie een van hulle is egter voorbereid op die aangetrokkenheid wat skielik tussen hulle ontvlam en al hulle goed uitgewerkte planne in die wiele ry nie!